Velotour

Du möchtisch scho lang mal wieder chli gmüetli Velofahre, es spassigs Konditionstraining für die neu
Saison absolviere oder mal luege ob dä Albrecht würkli besser Velofahrt als Tischtennis spielt?
Keis Problem! Meld di fürd TTC Bülach Velotour ah. Du chaschs gmüetli näh oder au chli Gas ghä.
Mer fahred i einere oder zwei Gruppe ca. 30 Kilometer und ca. 120 Höhemeter vo Büli id Tössegg und
wieder retour. Für es Glacé und öpis zTrinke am Rhii- und Tössdelta isch sorgt de Club.
Selbstverständli sind au E-Bikes zueglah (de Albrech brucht ja e Herusforderig!)

Also gogo meld dich ah und tritt id Pedale!

Wänn: Sunntig 08.09.2019, start: 10:30 Bruefschuel Büli

Wo dure: Bülach via Rhiinsfeldä id Tössegg und zrugg nach Bülach

Mer fahred gmüetli vo Bülach nach Hochfelde. Ab dete gahts flüssig de Glatt entlang bis nach
Glattfelde. Mir fahred wiiter am Riverside und am Chraftwer-Rhiinsfeldä verbii und chömmed nach
ere churze Abfahrt und eme no chürzere Astieg in Eglisau ah. Vo dete us isches no en Chatzesprung
bis id Tössegg. Dete offeriert eus dä Club e chlini Zwüschemahlziit i Form vo eme Getränk und eme
Glacé. Frisch gstärkt und erholt, gahts mit neuem Elan via Eglisau, Heimgarte zrugg nach Büli